الجنينة نت

أهلا وسهلا بك أيها الزائر الكيرم
نرجو لك مرورا ممتعا
الجنينة نت

ثقافي, سياسي, أدبي, فني إجتماعي

كنت أغفر لو أنني متُّ ما بين خيط الصواب وخيط الخطأ




   

لا تصالحْ..ولو وقفت ضد سيفك كل الشيوخْ....والرجال التي ملأتها الشروخْ....هؤلاء الذين يحبون طعم الثريدْ...وامتطاء العبيدْ....هؤلاء الذين تدلت عمائمهم فوق أعينهم.....وسيوفهم العربية قد نسيت سنوات الشموخْ


يا جِلَّقَ الشَّامِ إنّا خِلْقَةٌ عَجَبٌ.....
لم يَدْرِ ما سِرُّها إلاّ الذي خَلَقا

عداد الزوار

الجنينة نت

 

 

المواضيع الأخيرة

» أجمل ماقيل في الشعر الفصيح
الثلاثاء يوليو 15, 2014 12:26 pm من طرف لطفي الياسيني

» دموع
الثلاثاء يوليو 15, 2014 12:25 pm من طرف لطفي الياسيني

» سمراء
الثلاثاء يوليو 15, 2014 12:24 pm من طرف لطفي الياسيني

» انا الملوم انا الجاني على وطني / د. لطفي الياسيني
الثلاثاء يوليو 15, 2014 12:20 pm من طرف لطفي الياسيني

» مات الضمير وشيعوا جثمانه / د. لطفي الياسيني
الثلاثاء يوليو 15, 2014 12:17 pm من طرف لطفي الياسيني

» قصيدة في وصف فـلـسـطـيـن قبل النكبة / الحاج لطفي الياسيني
الثلاثاء يوليو 15, 2014 12:15 pm من طرف لطفي الياسيني

» الرحلة
السبت مايو 03, 2014 9:43 am من طرف تيسير نصرالدين

»  حول الوضع الثقافي الراهن
الثلاثاء أكتوبر 29, 2013 6:07 pm من طرف mriame

» صباح ..................مساء الخير من الجنينة
السبت يناير 19, 2013 10:47 pm من طرف سوسن سين

» كبة البطاطا بالبرغل
السبت يناير 19, 2013 10:39 pm من طرف سوسن سين

» عثمنة الخطاب السني الرسمي
الأربعاء ديسمبر 26, 2012 11:30 am من طرف تيسير نصرالدين

» الصفقة الصفيقة
الخميس نوفمبر 22, 2012 6:07 pm من طرف تيسير نصرالدين

» الإعلام
الثلاثاء أكتوبر 16, 2012 5:16 pm من طرف تيسير نصرالدين

» مجموعة جديدة
الأحد سبتمبر 23, 2012 10:24 am من طرف تيسير نصرالدين

» ثورة الحرابيق
الأحد سبتمبر 23, 2012 10:09 am من طرف تيسير نصرالدين

أفضل 10 أعضاء في هذا المنتدى

ماهر الفية - 4679
 
جارة القمر - 2726
 
تيسير نصرالدين - 2032
 
دلال - 1572
 
زينا - 792
 
سوسن سين - 607
 
زاهدة - 463
 
أميمة - 427
 
النابغة - 398
 
وسام - 389
 

أهلا وسهلا

 

أهلا وسهلا

---------------------

حقوق النشر

رجاء

نرجو من جميع الأخوة الأعضاء المشاركين والمساهمين

الإشارة إلى المصادر التي نستقي منها النص أو القصيدة

حتى نستطيع التقييم والتصنيف والإنصاف  للمادة المنشورة

وكي لا يضيع حق الكاتب .

يكفي الإشارة إلى كلمة منقول إذا كنا نجهل أسم الناشر .

نشكر تعاونكم

 

الإدارة

لوحات

 

سوريا الله حاميها

 

لوحات فنية

 

 

 

 

 

أعدّي لي الأرض كي أستريح

 

 

 

 

 

 

 


    معمول بالتمر والجوز والفستق

    شاطر
    avatar
    دلال
    العضو الماسي
    العضو الماسي

    معمول بالتمر والجوز والفستق

    مُساهمة  دلال في الإثنين مايو 03, 2010 10:42 am

    حلو اليوم معمول بالتمر والجوز والفستق
    المقادير
    كيلين سميد ناعم
    نصف كيلو طحين فرخة
    فنجانين قهوة ماء ورد
    فنجانين قهوة ماء زهر
    معلقة شاي محلب
    زبدة كيلو
    ورق الحلويات
    الفرن 225 درجة الحرارة
    طريقة العمل نذوب الزبدة ونتركه لبيرد قليلا ونخلط سميد والطحين الفرخة مع بعضهما البعض ثم نضيف الزبدة ونتركه من اليل لثاني يوم وكل فترة نحركه ليتشرب الزبدة الخليط جيدا
    وثاني يوم نضيف المحلب وماء الورد وماء الزهر على الخليط ثم نعجنه جيدا
    ثم نفتحه مباشرة
    الحشوة
    الحشوة حسب الرغبة تمر جوز فستق حلبي
    حشوة التمر يعجن بالسمنة
    حشوة الفستق احلبي يضاف اليه سكر وقليل من ماء الزهر والورد ويحرك جيدا
    حشوةالجوز يفرف ناعما بماء الزهر وماء الورد والسكر ويحرك جيدا
    نقطع العجين لقطع صغيرة ونحشيه ونضعه بالقالب وهكذا حتى ننتهي من العجين كله
    ثم ناتي بصينية الفرن وضع الورق عليه ونصف المعمول عليه ثم نضعه بالفرن ونتركه حتى يشقر قليلا
    والمعمول المحشي بالتمر نتركه فترة اطول من البقية لينطبخ ويذوب المعجون
    وعندما ننتهي من المعمول نتركه حتى يبرد جيدا وبعدها نرش سكر بودرة اي سكر المطحون على الوجه لتزين
    صحتين وعافية




    _________________
    يا دمشق البسي دموعي سواراً ****** وتمنّي .. فكلُّ شيء يهونُ
    وضعي طَرحَةَ العروس لأجلي ****** إنَّ مَهْرَ المُناضلات ثمينُ
    avatar
    ماهر الفية
    العضو الملكي
    العضو الملكي

    العمر : 35
    الموقع : الـجـنـيـنـة نـــت

    رد: معمول بالتمر والجوز والفستق

    مُساهمة  ماهر الفية في الإثنين مايو 03, 2010 4:13 pm

    اممممممممم شي طيب اكيد

    وكيف ما دام دلال هي المحضرتو

    الله يسلم الايادي يا رب وما يحرمنا منها
    avatar
    دلال
    العضو الماسي
    العضو الماسي

    رد: معمول بالتمر والجوز والفستق

    مُساهمة  دلال في الإثنين مايو 03, 2010 4:50 pm

    والله ياشموخ نحنا هون مضطرين نعمل كل شي بأيدنا
    لأن متل مابتعرف مافي عنا محلات حلو عربي
    لهيك عم نجتهد ونعمل اغلب الحلويات بالبيت
    وعم نذوق الطليان كمان
    لأنهم بيموتو بشي اسمو حلو خصوصا اذا كان ببلاش
    شكرا لك و لمرورك المتميز على صفحاتي



    _________________
    يا دمشق البسي دموعي سواراً ****** وتمنّي .. فكلُّ شيء يهونُ
    وضعي طَرحَةَ العروس لأجلي ****** إنَّ مَهْرَ المُناضلات ثمينُ
    avatar
    زينا
    عضومميز
    عضومميز

    العمر : 41

    رد: معمول بالتمر والجوز والفستق

    مُساهمة  زينا في الإثنين مايو 03, 2010 8:51 pm

    يعطيكي العافية اختي دلال


    انا بحب المعمول كتير خصوصا بالجوز

    يسلموووووووووووووووون

    احلا ورد الك
    avatar
    ابراهيم العريضي
    عضو نشيط
    عضو نشيط

    رد: معمول بالتمر والجوز والفستق

    مُساهمة  ابراهيم العريضي في الثلاثاء مايو 04, 2010 2:03 am

    الاخت المحترمة دلال شكرا جزيلا لمساهمتك هذه عسى ان تكون كل ايامكم حلوة ( من بخت خيي ابو ايمن ... )
    حسنا بما ان خبرتي بالحلويات و توابعها ليست بسيئة و ( معش بدها خلص يعني لازم فوت عالمطبخ )
     اقول و حسب خبرتي البسيطة في هذا المجال ( 18 سنة ) بانها طريقة ناجعة و فعالة و يحبذا ايضا اضافة الخميرة في العجين في اول خطوة و ثم يفضل ان يضاف الى العجينة ملعتقين حليب بودرة او
    ملعقتين ( قطر ) او دبس تمر او دبس عنب و هنا استعمال احدى هذه الاصناف الجاهزة من السكر ليس لاضافة طعم حلو او سكر زيادة بل لكي تكسب الحلوى لونا ذهبيا و تاخذ وقت اقل في الشواء فتنضج و تبقى طرية
    و باقي ما تبقى ابصملك بالعشرة ( معلمة )
    و بالنسبة لاي سؤال بهذا الخصوص انا جاهز
    شكرا
    avatar
    تيسير نصرالدين
    مشرف عام
    مشرف عام

    العمر : 60
    الموقع : ميلانو

    رد: معمول بالتمر والجوز والفستق

    مُساهمة  تيسير نصرالدين في الثلاثاء مايو 04, 2010 7:27 am

    الله احلى حلواني وحلونجي
    أنا قلت لأم ايمن خلي قسم الحلو لإبراهيم
    لكن يا اخي بصراحة عنا سمعة طيبة كثير بالحلو هون ومنعمل صواني كثير لل أصدقاء الطليان
    واخوك هون ملك الكنافة الخشنة والناعمة يعني مافي خوف على الحلو العربي
    لكن أكيد راح نعطيكم وصفة حلو ايطالي شهيرة ما بعرف إذا كنت بتعرفها
    أسمها بالإيطالي تيرامي سو يعني بالعربي شدني لفوق .
    تشكر على الفنيات المضافة والخبرة الها دور ونحن نرفع القبعة
    قلنا يعني سحبني لفوق هيك اسمها Tiramisu


    _________________

    الخيل والليل والبيداء تعرفني:: والسيف والرمح والقرطاس والقلم 



     


     

    avatar
    دلال
    العضو الماسي
    العضو الماسي

    رد: معمول بالتمر والجوز والفستق

    مُساهمة  دلال في الثلاثاء مايو 04, 2010 9:26 am

    اهلا زينا يالله تحلي وحلي الاولاد
    خي ابراهيم اسعدني جدا مرورك على وصفتي هذه
    واشكرك على المعلومات القيمه التى تفضلت بها
    وطبعا منك نستفيد
    وبما انك جاهز لأي استفسار اود ان اسألك عن الكنا فه الناعمه
    نحن هنا لدينا العجينه الخشنه فقط
    وانا حاولت ان اصنع منها الناعمه بوضعها بالفرن قليلا ثم طحنها
    اتمنى ان تجد لنا طريقه ولك كل الشكر مقدما


    _________________
    يا دمشق البسي دموعي سواراً ****** وتمنّي .. فكلُّ شيء يهونُ
    وضعي طَرحَةَ العروس لأجلي ****** إنَّ مَهْرَ المُناضلات ثمينُ
    avatar
    ابراهيم العريضي
    عضو نشيط
    عضو نشيط

    رد: معمول بالتمر والجوز والفستق

    مُساهمة  ابراهيم العريضي في الثلاثاء مايو 04, 2010 4:53 pm

    تكرمي يختي ام ايمن انت و الجميع
    هنالك طريقتين لعمل الكنافة الناعمة و هي :
    الطريقة الاولى من عجينة الكنافة ذاتها و نضع لكل كيلو 200 غرام ( وقية ) سمنة و ثم نعجنهم ببعض
    جيدا ثم نطحنهم على مطحنة اللحمة و ثم نقوم بتسخينهم على صينية مع التحريك الدائم على نار خفيفة جدا الى ان يصبح الخليط شبه مرطب بعدها نقوم بتنخيلهم على الصينية الممسوحة بالسمنة ( على البارد ) كي لا تلصق العجينة اثناء الشواء ثم نضع فوق الخليط الذي نخلناه كيس نايلون و نرصها جيدا بيدينا و لا مانع من استعمال صينية بنفس الحجم كي يتم الكبس جيدا و من جميع الجهات .....
    ثم نضع الجبنة المحلاة و نوزعها بشكل جيد و بعدها تصبح جاهزة للشواء على النار و يفضل ان تكون النار
    خفيفة جدا مع تدوير الصينية بشكل دائم كي تتساوى الحرارة على كل الصينية .....
    و اذا لم يكن هنالك غاز خاص ( مثل غاز الصاج ) تشوى في الفرن الغاز و لكن من الاسفل تكون الحرارة فقط ايضا مع التدوير كل دقيقة تقريبا ............
    و عندما يحمر دائر او حرف الصينية تكون قد نضجت تماما من الاسفل و بعدها تقلب بعناية على صينية ثم تسقى القطر و يفضل ان يكون حارا قليلا

    ام الطريقة الثانية فهي بصنع عجينة الفرك
    و تتالف العجينة من 4اكواب سميد و كوب سكر او نصف كوب قطر و ربع كوب ماء و كوب و ربع سمنة او
    زبدة و يعجن الكل بشكل جيد ( يجب ان تكون العجينة سميكة اي قوية ) ثم تمد على صينية و تشوى على نار هادئة جدا جدا مدة 40 دقيقة تقريبا دون ان تاخذ اي لون او دون ان تحمر اي تنشيف و طبخ فقط
    ثم بعد ان تبرد يطحن هذا الفرك و يصبح جاهز للمد و صنع الكنافة الناعمة
    و صحتين و عافية ( صار بدها رياضة خيي ابو ايمن هه معش مبين الخصر من البطن )
    avatar
    ابراهيم العريضي
    عضو نشيط
    عضو نشيط

    رد: معمول بالتمر والجوز والفستق

    مُساهمة  ابراهيم العريضي في الثلاثاء مايو 04, 2010 5:04 pm

    تيسير نصرالدين كتب:
    الله احلى حلواني وحلونجي
    أنا قلت لأم ايمن خلي قسم الحلو لإبراهيم
    لكن يا اخي بصراحة عنا سمعة طيبة كثير بالحلو هون ومنعمل صواني كثير لل أصدقاء الطليان
    واخوك هون ملك الكنافة الخشنة والناعمة يعني مافي خوف على الحلو العربي
    لكن أكيد راح نعطيكم وصفة حلو ايطالي شهيرة ما بعرف إذا كنت بتعرفها
    أسمها بالإيطالي تيرامي سو يعني بالعربي شدني لفوق .
    تشكر على الفنيات المضافة والخبرة الها دور ونحن نرفع القبعة
    قلنا يعني سحبني لفوق هيك اسمها Tiramisu

    يا عمي انت فوق من الاول معلمنا انت و الخبرة بالذوق و المذوقين شرواكم
    (ايدنا بزنارك تسحبنا من تحت لو قصرنا )
    خيو بتعطينا وصفة التيراميسو على قد يلي عنا مش تجبلنا اسماء ما بنعرفها او اصناف ما بنلاقيها بالسوق يعني هيك من قريبة مثلا بدل الكريمة بنحط كرابيج و بدل الكراميل بنحط دبس و هلم ما جرى انت بس عطينا المقادير على كل حال و الطريقة و نحنا بنخبص على كيفنا هون و اذا ما طلعت تيراميسو بنسميها هريسسو ( ليش من شو بتشكي المعيسة )
    avatar
    دلال
    العضو الماسي
    العضو الماسي

    رد: معمول بالتمر والجوز والفستق

    مُساهمة  دلال في الخميس مايو 06, 2010 7:53 am

    الف شكر لك اخي ابراهيم
    راح جربها وخبرك النتيجه


    _________________
    يا دمشق البسي دموعي سواراً ****** وتمنّي .. فكلُّ شيء يهونُ
    وضعي طَرحَةَ العروس لأجلي ****** إنَّ مَهْرَ المُناضلات ثمينُ
    avatar
    تيسير نصرالدين
    مشرف عام
    مشرف عام

    العمر : 60
    الموقع : ميلانو

    رد: معمول بالتمر والجوز والفستق

    مُساهمة  تيسير نصرالدين في الخميس مايو 06, 2010 11:19 am

    خيو ابراهيم
    بما انك حليتلنا مشكلة الناعمة راح نحاول نحللك مشكلة التيرامي سو لكن في عنا مشكلة مش متأكدين ان نوع البسكون موجود ومتوفر ام لا
    لذلك راح اعطيك مواصفات البسكوت
    واريك صورته هو كما سيظهر في الصورة خفيف الوزن ومصنوع من الدقيق والبيض وبعض السكر إذا لم يتوفر سنعطيك الوصفة كي تصنعه انت

    تابع عملية تحضير البسكوت بالصور على بين ما نعطيك المقادير والطريقة ويمكن تكون بتعرفها




    1- مقادير
    160غ طحين ابيض
    بياض البيض عدد 4
    صفارالبيض عدد 6
    ملعقة صغيرة فانيليا
    ----------------------
    الإعداد
    يخفق بياض البيض مع رشة ملح حتى يصبح كريما بشكل الثلج
    يخفق صفار البيض مع 100غ من السكر ورشة فانيليا
    بعد ذلك يجمع البياض مع الصفار برفق ويضاف عليه الطحين بطريقة التنخيل مع التحريك بملعقة خشبية ببطىءإلى أن يتحول معنا إلى خليط متجانس
    بعدذلك نضعه بالكيس ونمده على شكل اصابع ونرش عليه المتبقي من السكر ويجب ان يكون 30 غرام ونضعه على حرارة 180 من 10 إلى 15 دقيقة هكذا نكون قد أبرأنا ذمتنا معك
    أما إذا كان هذا البسكوت متوفر نكون قد كسبنا القوت وستوافيك بوصفة التيرامي سو السيدة دلال .


    هلق عاد ناقصك المقادير دبر حالك


    _________________

    الخيل والليل والبيداء تعرفني:: والسيف والرمح والقرطاس والقلم 



     


     

    avatar
    دلال
    العضو الماسي
    العضو الماسي

    رد: معمول بالتمر والجوز والفستق

    مُساهمة  دلال في الخميس مايو 06, 2010 7:27 pm

    طريقة عمل التيراميسو
    مقادير الكريمه
    قشطه500غ
    سكر 120غ
    قهوه حسب الحاجه
    كاكاو
    فانيليا ملعقه
    برش ليمونه
    6بيض عدد
    نفصل بياض البيض عن الصفار
    نخفق القشطه مع صفار البيض والسكر حتى يتجانسو ونصيف الفانيليا وبرش الليمون
    نخفق بياض البيض مع قليل من الملح حتى نحصل على كريمه هشه
    ثم نخلطهم مع بعضهم بملعقه خشبيه وبرفق
    نبلل البسكوت بالقهوه البارده وينبغي ان نبلله واحده تلوا الأخرى بشكل جيد دون ان يفقد تماسكه ونرصفه في صنيه مربعه
    ثم نضع فوق البسكوت المبلل بالقهوه طبقه من القشطه والسكر والبيض التي قمنا بتحضيرها مسبقا

    ونضع طبقة ثانية من البسكوت فوق الطبقه الاولى بعد ان نكون قد بللناها بالقهوه ونرصفها إذا كانت الأولى قد رصفت عاموديا الثانيه ترصف أفقيا ونعيد الكره بتغطية البسكوت بالقشطه المتبقيه
    ثم نرش على سطحه الكثيرمن الكاكاو وقطع الشكولا الابيض والبني ونضعه في الثلاجه حتى يبرد





    _________________
    يا دمشق البسي دموعي سواراً ****** وتمنّي .. فكلُّ شيء يهونُ
    وضعي طَرحَةَ العروس لأجلي ****** إنَّ مَهْرَ المُناضلات ثمينُ
    avatar
    ابراهيم العريضي
    عضو نشيط
    عضو نشيط

    رد: معمول بالتمر والجوز والفستق

    مُساهمة  ابراهيم العريضي في الجمعة مايو 07, 2010 4:50 pm

    يعني عنجد الله يسلم هالايدين بس بصراحة بالنسبة لخفق البيض مع رشة ملح ها بدها معلمية لان البيض بس نضع عليه الملح بيفرط و بصير صعب جدا انو يتماسك كخليط منفووووووش

    اني بدي قول شغلة دائما بيسالوني ليش يا اخي ما بتطلع الحلويات عنا بالبلد متل يلي بالشام مثلا ؟

    اني نفسي مرة بالسعودية سئلت هالسؤال للحام وهوي سوري من النبك قلتلو يا اخي ليش ما بتطلع طعمة اللحم هون متل يلي عنا بسوريا مع انو بلدي و بتللو ووو مدري شو ديكو .....
    قلي شوف بس يحملوا الغنم من سوريا و يقلط الحدود السورية و يتنفس هوى غير سوري بتتغير طعمتو
    بس يطلع من الجو الطبيعي يلي عايش فيه بتتغير منافسو و بتنقلب ( مبادئو ) ها من عندي ههه

    و بالنسبة للحلويات ذات الشي المياه و عذوبتها لها دوركبير و الطحين له دور
    و الدور الكبير للاواني نفسها فالالمنيوم غير النحاس و غير الستيل
    و حتى الفرن الحجري غير فرن الغاز او غير الفرن الكهربائي و حاليا بلبنان مثلا بدات تدرج افران الحطب المنسية بسببب جودة طهيها و صحتها و حتى في ايطاليا نفسها انا اعرف بان الادارة المعنية ( وزارة الصحة اعتقد او السياحة ) قد اقرت قانون لطريقة صنع البيتزا الايطالية المشهورة و اذكر من بنود هذا القانون ان يكون الفرن حجري و ان يكون رغيف البيتزا لا تتعدى سماكته من المنتصف اكثر من نصف سم و من الاطار لا تتعدى اكثر من سم عدى عن المكنات الطيعية الخالية من الكيماويات ...

    امي مثلا بتعمل مربيات بالبيت بيسئلوها كيف بتعمليهن ليطلعوا طيبين هيك بتعلمهن و مع هذا ما بيطلعوا و احيانا هيي بتساعدهن و بتعملهن عند يلي طلبت منها تعلمها
    بس في فرق مثلا امي بتطبخهن ب ( دست نحاس ) و على نار الحطب و الماء عذب جدا ( من وجه الخزان ؟ )
    بينما لو وضعنا نفس المكونات و قمنا بطهيها على الفرن الغاز و كانت المياه من اول دور البلدية ( كلها كلور و كلس ) و بطنجرة المنيوم بالتاكيد سوف تختلف الطعمة و حتى الصلاحية لان الدراسات العلمية اثبتت بان الطهي في الفخار يدوم اطول فترة ثم في الزجاج ثم في النحاس المبيض ثم في الستيل و اخيرا في الالمنيوم و ايضا الطهي الصحي الذي يدوم اطول فترة يكون على الحطب ثم على الغاز ثم على الكهرباء ...........

    و يبقى اهم شيء في هذا كله هو النفس فمن كان يطهي اي صنف و بكل نفس طيب ( من قلب و رب ) سوف تنعكس بالايجاب على الصنف المراد طهيه و لدة اسباب معروفة للجميع و ليس اخرها الهالة المحيطة بظروف الطهي
    اسف على الاطالة و لكن اقتضى التنويه و الشكر
    avatar
    دلال
    العضو الماسي
    العضو الماسي

    رد: معمول بالتمر والجوز والفستق

    مُساهمة  دلال في الجمعة مايو 07, 2010 5:12 pm

    اخي ابراهيم يعني جاوبت على سؤال صرنا عمر عم نسالو
    نحنا عنا هون حتى طعمة الماء مختلفه
    وعداك عن الهواء والخضرا والفاكهه
    ولكن بالسنين الاخيره ماعدنا بالسويدا نستطعم بهذه الاشياء مثل قبل
    يعني حتى عنا طعمتها تغيرت
    شكرا لك ولملاحظاتك القيمه


    _________________
    يا دمشق البسي دموعي سواراً ****** وتمنّي .. فكلُّ شيء يهونُ
    وضعي طَرحَةَ العروس لأجلي ****** إنَّ مَهْرَ المُناضلات ثمينُ
    avatar
    ابراهيم العريضي
    عضو نشيط
    عضو نشيط

    رد: معمول بالتمر والجوز والفستق

    مُساهمة  ابراهيم العريضي في الجمعة مايو 07, 2010 5:29 pm

    dalal كتب:
    اخي ابراهيم يعني جاوبت على سؤال صرنا عمر عم نسالو
    نحنا عنا هون حتى طعمة الماء مختلفه
    وعداك عن الهواء والخضرا والفاكهه
    ولكن بالسنين الاخيره ماعدنا بالسويدا نستطعم بهذه الاشياء مثل قبل
    يعني حتى عنا طعمتها تغيرت
    شكرا لك ولملاحظاتك القيمه

    شكرا لمتابعتك صدقيني كل شيء له دور و يختلف و نسيت ان اذكر مثلا بان المواد الاولية مثل الفستق مثلا يوجد منه انواع و باختلاف الانواع تختلف الاسعار و منه تختلف النوعية و الجودة و الطعمة
    وشيء اخر ايضا و هو اهم شيء في بلادنا صناعة الحلويات يختلف سعرها حسب نسبة السمن و الحشوة و السكر بالحبة الواحدة يعني السمن الحيواني غير السمن البلدي و غير السمن النباتي و غير ما تكون الكمية المستوفاة للطهي على حدها الطبيعي غير ان تكون ناقصة و ثم يضاف مواد نافشة غير صحية لتعطي ملمسا هشا للحبة و ايضا نسبة الحشوة بدل ان تكون خمسين بالمائة بدل ان تكون عشرين بالمائة و ايضا بشكل عام تكون نفس النسبة و نفس المواصفات تختلف من بلد او من محافظة لاخرى حسب سعرها ماخوذ بعين الاعتبار غلاء السكن و الاجار و العقار بشكل عام يعني يلي الكيلو بالسويدا بمتين بالشام بكون بخمس مية وهالشي تسعيرة نظامية من التموين
    و لكن في الخليج مثلا لا يوجد سعر محدد و هذا يعطي تنافس شرعي لاظهار ما هو افضل ( اعتقد طبق هذا الامر ببلادنا ) يعني حط شو ما بدك و بيع بالسعر يلي بدك ياه و انت وشطارتك و جودة البضاعة لترغيب الزبون و ايضا بيبقى الصيت شايع و المزار القريب ما بينيشن و لا بفش الغل الا اذا كان الذويق عارف شو بدو
    و بيبقى الدور الكبير للمعلم يعني عطي الخبز لخبازو لو اكل نصو موازيا تماما ل ( الشغلة مش اختراع ذرة )
    و بدي قول مثل كان يقولوا معلمخباز كبير بالسن للعمال الجدد
    اتعلموا البيطرة بحمير النور ( طبعا هالمثل بشكل عام مش لاي موجه لاحد و اسف على اضافته ) يعني ما حدا خلق معلم المهم تتعلموا لان القصة بالفعل موهبة
    متل كرة القدم تماما ممكن اعلم اي واحد قوانين التدريب و التحكيم بس ما فيني خلي يصير مارادونا
    و بالاكل نفس الشي ها المقادير و ها الطريقة و ها كل شي بس الفن هوي يلي بخلي الشغل يحكي عن حالو و بسلامتكن
    avatar
    تيسير نصرالدين
    مشرف عام
    مشرف عام

    العمر : 60
    الموقع : ميلانو

    رد: معمول بالتمر والجوز والفستق

    مُساهمة  تيسير نصرالدين في الأربعاء مايو 12, 2010 12:07 pm

    خيو المهم عملت التيرامي سو ولا راح تعبنا خسارة
    بعدين وين رايح ماشفتني أنا على الجهد الي عملتو لصناعة البسكوتي



    _________________

    الخيل والليل والبيداء تعرفني:: والسيف والرمح والقرطاس والقلم 



     


     

    avatar
    ابراهيم العريضي
    عضو نشيط
    عضو نشيط

    رد: معمول بالتمر والجوز والفستق

    مُساهمة  ابراهيم العريضي في الأربعاء مايو 12, 2010 12:41 pm

    تيسير نصرالدين كتب:
    خيو المهم عملت التيرامي سو ولا راح تعبنا خسارة
    بعدين وين رايح ماشفتني أنا على الجهد الي عملتو لصناعة البسكوتي


    و الله و اني عبقول شو ابدي اكتب بعد هون ...... شو في ناقصني ..........

    الحقيقة بدي اتشكرك كثير على هذا الجهد و اني بشجعك لتفتحلك شي محل حلويات بس ترجع
    ( مش راح تضارب علينا النا صيت نحنا هههه )

    اني بصراحة ما فضيت بعد لاعمل التيراميسو بس لاحق بكرا برجع بعملو بس انت خبرني عنك انت
    جربت وصفتك عمليا ( ان شالله عجبك شغل المعلم تيسير يختي ام ايمن )
    بتعرف انو اني بقولولي يلي بيعرفوني معلم بو كمشة لاني ما بستعمل الميزان ... بس لا تهكل هم بعرف كمشتي قديش بتوزن و عندي نظرة لمعايير مش شرط ميزان مع ان استعمال الميزان لا بد و لا غنى عنو و افضل بكثير
    يعني المهم يكون في خبرة و تعرف ها ليش هيك و ها ليش هيك و المعلم هوي يلي بصلح يالله بااااي عندي شغل و اختمرت عجنة الكعك
    avatar
    دلال
    العضو الماسي
    العضو الماسي

    رد: معمول بالتمر والجوز والفستق

    مُساهمة  دلال في الأربعاء مايو 12, 2010 2:47 pm

    والله يا ابراهيم انا بشهد لتيسير انه معلم بالحلو
    يعني نحنا هون ما في مجال نشتري حلو لانه مو موجود فتعودنا نعمل الحلويات بأيدنا وطبعا تيسير المعلم
    كنافه وبقلاوه وعش البلبل واصابع وهريسه بالقشطه وعوامي ووووو
    وطبعا غير الطبخ لانه معلم كمان
    ماشاء الله دقو على الخشب


    _________________
    يا دمشق البسي دموعي سواراً ****** وتمنّي .. فكلُّ شيء يهونُ
    وضعي طَرحَةَ العروس لأجلي ****** إنَّ مَهْرَ المُناضلات ثمينُ

      الوقت/التاريخ الآن هو الأحد أكتوبر 22, 2017 1:06 am