نرحب بالصحفي أيمن ابراهيم

شكرا للجميع وعلى رأسهم السيد تيسير والله خجلتونا يا جماعة
على سيرة ابناء حمص الكرام
هذه سالفة صارت معي
دخلت على صالون حلاقة في حمص طبعا وبعد ما جلست سألني الحلاق
" أي أوخي شو بتحب تشرب ..؟
ضحكت وقلت له لا شكرا
بعدها نظرت الى الحيط لقيت لوحة مكتوب عليها
" الدخان ممنوع وللأصدقاء .. بس شوي "
ضحكت
فاطلع فيي الحلاق وهو شوي معصب وقال لي شو أوخي من وقت اوللي دخلت وانتي عم تضحك شو النوكتي قلنا لنضحك معك ..؟
قلتلوا لا أوخي ما في شي بس هيك حالي وبتجيني
قلي طيب روح شوف دكتور
المهم وبعد ما قعدت على كرسي الحلاقة سألني أي أوخي شو بتشتغل حضرتك ..؟
قلتلوا والله أنا شغلي في دبي
قلي :والله يا أوخي دبي غير .. بعدين شو هادا البرج اللي عاملينوا يا زلمي شي بخوّف أي والله اذا انقطعت الكهربا اللي ساكن فوق بدوا شهر ليوصل
ضحكت وضحكو الموجودين بعد شوي قلي سماع هالنكتي عن برج دبي
قلتلو تفضل
قلي كان في واحد حمصي عم يشتغل بدبي يوم اللي اجا على حمص سألوه أهلوا شو هالبرج اللي عاملينوا بدبي قلهم والله برج طويل كتيييييير سألوا أديش يعني طوله بطول مأذنة الجامع الكبير قلهم لا اطول اطول قالولو يعني كم بطول القلعة قالهم ولك لا يا عمي اطول اطول أي والله في عامل هندي وقع من فوق البرج ضل تلات ايام لحتى وصّل قالولو اي ومات ..؟
قالهم اي لعمى ما اغباكم اكيد مات تلات ايام لا أكل .. ولا شرب .. ولا نوم
اكيد بدو يموت
هههههههههههه

شكرا مرة ثانية على مروركم السابق واللاحق
أدام الله الود بيننا

حللت اهلا ووطئت سهلا اخ ايمن واهلا بك وبأهل حمص وحلوة كثير النكتة منك احلى ههههههههههههههههههههههههه