أيامنا

بديوي الوقداني

أيامنـا والليـالـي كــم نعاتبـهـا =شبنا وشابت وعفنا بعض الأحوالـي

إن أقبلت يوم مـا تصفـى مشاربهـا = تقفي وتقبل وما دامـت علـى حالـي

جربت الأيـام مثلـي مـن يجربهـا= تجريب عاقـل وذاق المـر والحالـي

نضحك مع النـاس والدنيـا نلاعبهـا = نمشي مع الفي طوعٍٍ حيث مـا مالـي

لكـن حظـي ردي والـروح متعبهـا = ما فادني حسن تاديبـي مـع أمثالـي

والنفس وش عذرها في ترك واجبهـا = راح الحسب والنسب في جمع الأموالي

نفسي تبى العز والحاجـات تغصبهـا = ترمي بهـا بيـن أجاويـد وانذالـي

المـال يحـي رجـالاً لا حيـاة ابهـا = كالسيل يحي الهشيـم الدمـدم البالـي

عز الفتى راس ماله مـن مكاسبهـا = يا مرتضي الهون لا عـزٍّ ولا مالـي

والناس اجانيب لين إنـك تصاحبهـا =تكون منهـم كمـا قالـوا بالأمثالـي

الارض لله نمشـي فــي مناكبـهـا =والله قـدّر لـنـا أرزاق وآجـالـي

لو متّ فـي ديـرةٍ قفـراً جوانبهـا = فيها لوطيّ السباع الغبـس مدهالـي

اخير مـن ديـرةٍ يجفـاك صاحبهـا = كـم ذا الجفـا والتجافـي والتعلالـي

دوس المخاطر ولا تخشـى عواقبهـا = الموت واحـد وبعـد العـز يجلالـي

ضاقت بنا الأرض واشتبت شبايبهـا = والغيث محبوس يا معبود يـا والـي

يـا رب توبـه وروحـي لا تعذبهـا = يوم القيامه إذا مـا ضاقـت اعمالـي




ما اروع هذا الكلام وكم جميل ان نعلم

ان بيننا حس وجداني في هذا المنتدى

يعطيكي الف عافية يا جارة على اختيارك الموفق.

متألقة دائما

ابو سعود

صديقتي دلال

شموخ أحترم مرورك جدآ