أين أنت يا ابراهيم؟؟

[b]
ابراهيم العريضي
غائب منذ مدة...أرجو أن يعود سالمآ
المنتدى بانتظاره
بعدك ما وصلت؟؟
مطلوب حالآ...تاق المنتدى لابن البلد الوفي
ولك منا جميعآ تحية وانشالله بالتوفيق

تسال عنك العافية يا رب و يهنيكي بغواليكي يختي سوسن
اني اطلعت من البيت الساعة ثمانية صباحا باتجاه المكتب على السويدا
و بالسويدا قلي الزلمي خيو انت طالع على ابوظبي في معنا عيلة ( سيدة و بناتها الثلاثة )
طالعين على الرياض شو رايك اقطعلك معهن بتوصلهن بنامن عليهن و بعدها بتكفي مع الباص على ابوظبي
قلتلو عادي يعني قلي عادي طبعا قلنالو على تكلة الباري اتفقنا ....... قلت منو كمان بحكي مع رفقاتي
يلي كانوا معي بالرياض بخليهن يلاقوني على الكراجات بشوفهم و بسلم عليهن ..
و طلعنا من السويدا الساعة عشرة باتجاه درعا المكتب الاساسي للسفريات الخليجية ...
شفت خيي هنيك ( بحكم عملو بدرعا) و للصدفة ؟ طلع بيعرفو صاحب المكتب بدرعا وصا فيني منشان
ما ياخذ شي على طرورد السفر و اتكلنا باتجاه الاردن الساعة 11 و نص و لاجل بختنا الطيب لازم يفوت الباص على
داخل عمان بالاردن ليحمل ركاب و انطلقنا من عمان باتجاه السعووووووووودية و لانها سعودية بينسعد بختك بزيادي
و ببان هالشي من اول الحدود ( عشر ساعات تفتيش بلا تفتيش )
و تاع يا ابراهيم حمل شناتي و نزل شناتي ( ما كلهن نسوان شو بحطها واطي و اني وحدي من السويدا )
كمان دخلنا الصحراء الموحشة و ما في غير انبوب هالكشك قصدي
نفط بونسنا على طول الطريق ( شي سبع ساعات تقريبا مع استراحة وحدة ) و لاجل بختنا طلع معنا خمس نسوان
ثنتين خوات على السعودية و الباقي كل وحدة على حدا و صار الباص كلو عائلات .... و اني ويلي وطبيلي
معي عائلة و الطريق طويييييييييييييل و بنا وناسة و طبعا ممنوع التدخين منشان الاتيكيت و اللياقة و اللباقة
المهم تعرفنا على الجميع و صرنا متل كانو من حارة وحدة بالاخص بعد ما ضيفناهن مرشم و تمر
و اصلا باقي الركاب اربعة مع السائق و المرافق كلهن من بلد وحدة حوارني اب عن جد و النسوان سعوديات من اصل حوراني و اردنيتان ( وحدة منهن على ابوظبي كمان ومعها ابنها بيحكي قد عشر نسوان )
اني من طول عمري ما بسافر غير لابس بدلة رياضة و ما بحط ولا شنطة معي غير شنطة خصر لجواز السفر و الدخان و العلوك ووووو
و نحنا بنص الطريق على الرياض بلشنا نحس انو خرب المكيف و صار يفوت غبرة بدل الهواء البارد
و لاجل الصدف ثنتين من النسوان معهن ربو و حاملين عدة الاوكسجين معهن و بلشوا يتضايقوا من الجو
و الله ستر ما صابهن شي ( يلي فينا بكفينا )
و صلنا الرياض و ارتفعت حرارة الباص و صلوا ربعنا و سلمنا عليهن و وصل جوز الست يلي معنا و عرفناهن على
بعض حتى واحد منهن طلع بيعرفوا العيلة ...... المهم كمان طعمناهن مرشم و خبز ملوح و كمان هدوني قميص عجبني كثير لونو اصفر كاروهات ...........
نحنا طلعنا من الرياض نزلنا باول استراحة خربة طرمبة المازوت و المكيف و ما بعرف شو دييكو
كانت الساعة ثماني و نص و ما في محلات قطع غيار فاتحة قمنا بيتنا للصبح لاجا المعلم الميكانيكي
و صلحها و راحوا اشتروا القطع البديلة للتصليح و حتى و نحنا جالسين مستضيفين عند
الشبرة ( بفتح الشين و الباء ) اصحابها يمنية و تعلق هوشة مع سعوديين من اصل افريقي هني و اليمنية
و صار ضرب سكاكين و لويات و هوشة كبيرة المهم مشي الحال و انطلقنا باتجاه حدود الامارات على الطريق الجديد و المختصر و طبعا منشان يكمل بختنا كان في بيومها عاصفة رملية هي سبب كل هالمصايب والاعطال بالباص
و اسمعنا بالاخبار انو هالعاصفة من زمان ما مر متلها على الرياض و مشينا شوي شوي حدي حدي ورد عالمي ت يملي
شو بدكن بالطويلي خذوا القصيرة و نحنا عالطريق اتصلوا بالسائق قالولا في باص لجماعتنا ( تبع المكتب يعني )
عطلان عالطريق و الركاب ( هني ركاب كانوا بقصد العمرة و رجعوا سالمين غانمين حالقين روسهن كما السنة )
و كلهن هنود و بتان و بنغال .... المهم الركاب امنوهن على الحدود مع ابوظبي ( منطقة البطحة ) بس يقي الشنط
يا معود يا عواد ..... دخلك يا ابو العود حملوا هالشنط معكن بما انو باصكن فاضي ...
و مع الغياب و صلنا للباص المنشود و صفينا قدامو و نزلنا نحمل بالشناتي قولوا الشناتي مش هم
بس الهم و المصيبة انو العاصفة الرملية بعز دينها و اول ما نزلنا كانو الدنيا عبتشتي تراب يلسع فينا متل
خدق النقافي عن بو جنب و ريح و غبرة و رمل و رؤية صفرا غير واضحة بالمرة اصلا ما فينا نفتح عيوننا من الغباير
و الطوووز و السديم .......
المهم حمل يا بو العود لشوف شو بدك تحمل قولوا خلصنا و تيسرنا و عتمت الدنيا ثاني مرة
عالحدود رجعنا زركنا حالنا بالركاب تبع الباص الخربان و مشينا سوى على ابوظبي و هيك و مع بلوج الخطوط الاولى من الفجر الاصفر وصلنا ابوظبي سالمين غانمين هلكانين نفضت حالي هر مني شي كيلو تراب
يعني من الخميس الصبح ل الاحد الصبح رحلة من العمر بس للصراحة كانت حلوة اصلا هيك احسن بتصير تكره الطريق و بس بدك توصل لغربتك ( غريييييييييييبة ) امور السفر
و طبعا وصلت على شغلي ثاني يوم المسا مع توصيل امانات لاني مسافر بالبر و مسموح احمل معي شو ما كان
و لان الكل بيعرفوني و ما حدا بقصر انشلشنا باستقبل و ودع و وصل امانات و رجعنا بلشنا شغل ضغط لنعوض
النقص يلي خلا من خلال الاجازة و هيك لاسه بعدني مكركب و اصلا صار بدي فرمتي من اول و جديد لمني تمسح على الجو
و اخذ عليه من اول وجديد لان بعدها فيروسات الاجازة براسي معششي ........
و بسلامتكن
ها عرفتوا وين اني ........ ( و الله مشتاقلكن )

ياابراهيم الفريد من نوعك
الحمدلله على سلامتك
بس خبرني : إنت متأكد إنو إمك رضيانة عليك؟
يعني دعتلك قبل السفر؟؟؟؟؟؟؟؟؟؟
كل هذا العناء في ساعات؟؟
الله يشيل معك.....المهم وصلت بخير
ولا تغيب عن المنتدى
دمت بخير

الاخوة المحترمين تيسير و سوسن و دلال اشكركم من قلبي لسؤالكم و مروركم العبق
يعني لحد علمي انو امي رضياني عليي و يمكن بس تجوزني راح ترضى اكثر
في حال كان الرضا درجات ههه
بعدين الرحلة كانت حلوة عنجد يعني في رضا اكيد و عقبال ما تكون رحلاتكم كلها بخير و سلامة

الله يسلم عافيتك خيي ( شموخ رجل ) و الله يعينك اذا انت بهالبلد هذيييييييك عزابي يي يي يييي

زاهدة كتب:

صديقي ابراهيم اهلا بعودتك لنا سالما غانم

والوالده اكيد رضياني عنك الله يخليلك اياها ويخليك الها

لكن كمل نص دينك حتى تنال الرضى كامل

انشالله بالتوفيق

صديقتي زاهدة صدقيني وحيات شارليز ثيرون ( صاحبة الصورة )
انو بطلت اعرف اياه نص الدين .......... اتجوز بالدين ... او خليها بلا دين ... او لبس محبس بالايدين ...
الله يسلمك و يديم الوفق و المحبة بعائلتك

أميمة كتب:

صديقي ابراهيم
صحيح سفرتك كانت ملبكه شوي ولكن حلوه
انا تخيلت حالي بين الركاب
وصوت فيروز عم يصدح عهدير البوسطه
ياالله منيح انك منك مجوز
يعني خصوصا ادا كنت بتدخن
لاحق
الله ينولك الي ببالك

صديقتي اميمة تخيلك بانك بين الركاب اسعدني لانني استطعت ان انقل الصورة كما هي و لكن مع الاسف لم يكن هنالك اي مسجل او راديو اووو
لم يكن سوا هرجنا و مرجنا ( و بالاخص الولد يلي مع امو يي يييي )

بعدين شو قصدك ب ( لاحق ) راح يزيد دخاني بس اتجوز ليش ما خبرتكن اني لازم حالي اقطع التدخين بس اتجوز للامانة بصدق

على كل ارفع لك القبعة و احييك على مرورك الرقيق مثلك
شكرا