شروقي

doPoem(0)

doPoem(0)

عتابا


إنتِ شتِلةِ الزنبق وْنا مَيْ ..... وعليّي غصنِك مفَرفَح وْنا مي

افلشي دموعي تحت ِمنك ونامي ....... حرام العطر يدلُق ع التراب

(خليل روكز)

*****
انا لا خال بالدنيا ولا عم لي ....... ولا عندي قصور تغنيني ولاعمله

انا شاعر مالي شغلي ولا عملي ....... سوى رندح عتابا للحباب


(موسى زغيب)

*******
حبيبي اللي مَلك جيدي وقلبي ....... قلبني شي ألف قلبِه وقلبه

عطيتو للكوي تيابي وقلبي ...... كوى قلبي بدل كوي التياب


(زغلول الدامور)

********
حبابي الدَّهِرعن عيني بَعَدْهُم ...... وْتركني إشتكي وحشِة بُعُدْهُم

وقد ما يبعدو عنّي بَعدْهم ...... حبابي وغيرهم ما لي حباب

(خليل روكز)

*******
إغمِزيني بجابك بل(يسْ)بل(وي) ....... إرقصي بُرْ قص وإلوي الخصر بلوي

واذا قالوا هوى الحلوين بَلْوي ....... إبعتولي الف بلوي عَالحساب

******

قصدتي النبع يا تمَلي بْريقِك ...... بَرَقتي وكهْرَب السَّمْكي بَريقِك

وإذا نحل الدِّ ني تَغذى بريقِك ....... وَقعْ دايخ بأحضان العْشابْ

(موسى زغيب)

*********

سَلامي لابْعَتو بسِلك تِلفوْن ...... عيوني مْن آلبكي والنوح تِلفُون

وْمَتى يا حبابنا ع الدار تِلفون ...... لحَني الدار وحجار العتاب


(حبيب صفير)

**********

يا شقرا بإيدك إسقيني وسْكتي ...... لئلا يصيبنيي نوبه وسَكتي

عاصدري غمضي عيونك وسكتي ..... السكوت كتير أحلى من الجواب

(زغلول الدامور)

*********

قالت انا عازمتك ع حفلة عامرة ...... ع شرط ما تميل عينك ع مرا

قلتلها تبقى ديارك عامرة ...... ان كنها عزيمة اكل شوفي غيرنا

جرحني بعين محبوبي وساب عين كما اللبوة تهاجمني وسـبعين

وصرت من العمر تسـعة وسبعين وبعدني بحب إيام الحباب

حلا الأزهار من خدك قطرتيه وحلاكي من حلا نرجس قطر:تيه

وفؤادي وين ما رحتي قطرتيه وراكي وما رحمتي من العذاب

حلوو عناقيدك وصارو عسل لي وكل ما قطف اتشوق ع سله

بدي ب حضنك إغفى .. عسى اللي بنالي الشيب يرجعني شباب

يا دنيـا سـطوة الأقـدار حدّي أنا شـاعر جنون النـار حدّي

وعلى أهل العتـابا شـهور حدّي لأني برمّد نسـور العتـاب

إذا ماجـت بحور الشـعر مجنـا وقوافينـا إلك بتصير مجنـى

النحل ت يشـّم عطر الشـعر مجنـا ونقل شـهد العتابـا للحبـاب
لا أعلم من القائل عذرا