زجل

طالب القرب كتب:
عندي علم يا فلان انك مش قيليل........ وإنك لكل من تاه عامللي دليل
وعا كل منبر شعر بغيابي طويل......... بتنظم قوافي حاملي المعنى الجميل
و معطرة ومزوزقة بسحر الأصيل...........و محملي بنهدات من شاعر جليل
لكن إذا عالمنبر بتطلع معي ........... لاتلوم اللي يقول عن شعرك هزيل

طالب القرب كتب:
شعشع شعر شعار من أول بريق......وبقبق بقلبي خمور من شاعر عتيق
من كل نفخة أوف بيولع حريق......ومع كل سحبة ميجنا بينقذ غرـيق
ولكل شاعر مبتدي بيفتح طريق.....وعا كل منبر شعر بيلاقي رفـــيق
لكن معي مابينفعك كثرالحكي......نام وبعدكم يوم بسمحلك تفـــيق

ديك الجن كتب:
من يوم من يومين ضفت بداركن ... ناطر حدا يقلي هلا بالضيف
ماشفت دلة فوق جمرة ناركن .... ولا دارت الصهبا بسهرة كيف
يا معزب الرحمن تدعي جاركن .... ينتف بريشي وينتخي بالسيف
ضرب المدافع والكلل هاي كاركن .... ضيفن لكم ياما وقع بالحيف
شاعر أنا جايي عساح المعرفة .... برسم خيالي عسماكن طيف

يرجى تكبير الخط لأن الكودات لم تعمل عندي

اعتمدوا على حالكن ياسندي كثير سهلة عنا لوحة التحكم وجميع الخيارات متاحة للعضو الكريم ههه

ابو الزوز كتب:يا طالب القرب وبأيدك دفترك......تاتحوز عاتوقيع منا مشترك

خيك اذا عامنبرو ماخبرك.... مين الملك عالمنبر ومين الدرك

رح خبرك ياصاحبي بهالمعترك....الله خلقني بالزجل اسمي الملك

وحدي كراسي للحواشي فاضية... وحدة لديك الجن،والثاني الك

طالب القرب كتب:سهلت للشــــعار ردات الإلي.........بلكي تسر الســـمع ردي معدلي
منك ومنو ما سمعت غير قلقلي.........وما شفت غير النطوطة والحنجلي
هالبهورة والأنكلي ما بتنـطلي.........عا ديكناوطالب قرب عالمرجلي
بعض الملوك بتنذبح عالمقصلي.........وبعضن بحطو بقدر عبيغلي غلي
حضك طلع ياصاحبي ثــاني صنف.......يمكن نغير راينا و نقلي قلــي

اووووووووووووووووووو شي حلو

لكن أكيد هالحكي مش إلي