الرئيسية
مصر الكانت بالساحة ... تهتف وتعيد
ضد الطغمة السفاحة .... وضد التجديد
زاحت رمز الوقاحة .....بعزم وتسديد
وقدر الشعب الإطاحة .... بأكبر دجال
بحـث
عداد الزوار
الجنينة نت
المواضيع الأخيرة
ازرار التصفُّح
أفضل 10 أعضاء في هذا المنتدى
| ماهر الفية - 4679 |
| |||
| جارة القمر - 2726 |
| |||
| تيسير نصرالدين - 2032 |
| |||
| دلال - 1572 |
| |||
| زينا - 792 |
| |||
| سوسن سين - 607 |
| |||
| زاهدة - 463 |
| |||
| أميمة - 427 |
| |||
| النابغة - 398 |
| |||
| وسام - 389 |
|
منتديات ومواقع صديقة
أهلا وسهلا
أهلا وسهلا
---------------------
حقوق النشر
رجاء
نرجو من جميع الأخوة الأعضاء المشاركين والمساهمين
الإشارة إلى المصادر التي نستقي منها النص أو القصيدة
حتى نستطيع التقييم والتصنيف والإنصاف للمادة المنشورة
وكي لا يضيع حق الكاتب .
يكفي الإشارة إلى كلمة منقول إذا كنا نجهل أسم الناشر .
نشكر تعاونكم
الإدارة
لوحات
سوريا الله حاميها
لوحات فنية
أعدّي لي الأرض كي أستريح
+13
نوال
ابن البلد
زاهدة
ابوزيد
جارة القمر
أميمه
ديك الجن
سوسن سين
عاصم نصرالدين
ماهر الفية
عروةابن الورد
ابو الزوز
تيسير نصرالدين
17 مشترك
زجل
تيسير نصرالدين- مشرف عام
- العمر : 67
الموقع : ميلانو
مصر الكانت بالساحة ... تهتف وتعيد
ضد الطغمة السفاحة .... وضد التجديد
زاحت رمز الوقاحة .....بعزم وتسديد
وقدر الشعب الإطاحة .... بأكبر دجال
ابن البلد- مرتبة الشرف
- العمر : 43
الموقع : دمشق
قالت ؛ بحبك بس ما فيّي--------اسلامك بيرفض مسيحية
ودمعة عكرسة خدها بتموت-------بتنزل عليها حزن وعليّي
قلتلها وقلبي و قف مكبوت-------يمزّق حنايا الروح بالفيّي
من قبل مادينك رسم تالوت------آب وابن و الروح بشويّة
ومن قبل ديني وبدعةالملكوت------وحصان يعرج عالسما هديّة
ومن قبل ماالباباعمل كهنوت----ومن قبل عيسى واليهوديّة
لاكان في فاصل قسم البيوت-------ولا في شرايع تحكم سويّة
والآلهه ادونيس عشتاروت---------ذابو ببعضن حب حنيّة
وعصفورترغل حدكبش التوت-------ما اتحرنق على بركة الميّة
يالله تنكسر قيد كلّوسكوت--------ونلغي زمان من العبودية
ونلغي رسم بالذاكرةمنحوت------ونوقف عباب العلمني سويّة
وعاباب انسانيتك منفوت--------لا فرق عنا بين دين ودين
======ونصّك محبي يكتمل فيّي======
ودمعة عكرسة خدها بتموت-------بتنزل عليها حزن وعليّي
قلتلها وقلبي و قف مكبوت-------يمزّق حنايا الروح بالفيّي
من قبل مادينك رسم تالوت------آب وابن و الروح بشويّة
ومن قبل ديني وبدعةالملكوت------وحصان يعرج عالسما هديّة
ومن قبل ماالباباعمل كهنوت----ومن قبل عيسى واليهوديّة
لاكان في فاصل قسم البيوت-------ولا في شرايع تحكم سويّة
والآلهه ادونيس عشتاروت---------ذابو ببعضن حب حنيّة
وعصفورترغل حدكبش التوت-------ما اتحرنق على بركة الميّة
يالله تنكسر قيد كلّوسكوت--------ونلغي زمان من العبودية
ونلغي رسم بالذاكرةمنحوت------ونوقف عباب العلمني سويّة
وعاباب انسانيتك منفوت--------لا فرق عنا بين دين ودين
======ونصّك محبي يكتمل فيّي======
عدل سابقا من قبل ابن البلد في الأحد فبراير 13, 2011 4:54 am عدل 1 مرات
ابن البلد- مرتبة الشرف
- العمر : 43
الموقع : دمشق
معزوفتها عبيانو---------خيطان الروح
رقصت باليه وبانو--------ومابدي بوح
يا تيسير بميلانو----------اياك تروح
بلكي بتلمح اغصانو ------العود الميال
رقصت باليه وبانو--------ومابدي بوح
يا تيسير بميلانو----------اياك تروح
بلكي بتلمح اغصانو ------العود الميال
تيسير نصرالدين- مشرف عام
- العمر : 67
الموقع : ميلانو
قلتلّها دينك على ديني ..... ما إلكْ حجّي تا ترفضيني
حجّةميثاقي بهرم بوالهول .... صدقتها من قبل تكويني
مش جاي اتخمّج من سطنبول .... لاني ياباني ولاأناصيني
متلك أنايابنت إبن اصول .... وبفضّل الضيعة عالمديني
قالت دخيلك لأْ,مش معقول ..... ما بقبلك رجّال خمسيني
شوجاب الشوار بشهرأيلول .... لزهور غوياني بنياسيني
قلتلهالو تعرفي المجهول .... يارزقتي كنتي بتعذريني
وحياةربطة شعرك المجدول .... مافي زرع لوما تشاريني
بعدو القلب بخفقتومشغول .... والدم عميغلي بشراييني
وحيات يالّي كملك هالطول .... وكوّن جمالك تاتقهريني
ماعادفيكي تقتلي المقتول ....ولا عادفيكي تحرمي المشتاق
من غير مابغمرك تغمرني
حجّةميثاقي بهرم بوالهول .... صدقتها من قبل تكويني
مش جاي اتخمّج من سطنبول .... لاني ياباني ولاأناصيني
متلك أنايابنت إبن اصول .... وبفضّل الضيعة عالمديني
قالت دخيلك لأْ,مش معقول ..... ما بقبلك رجّال خمسيني
شوجاب الشوار بشهرأيلول .... لزهور غوياني بنياسيني
قلتلهالو تعرفي المجهول .... يارزقتي كنتي بتعذريني
وحياةربطة شعرك المجدول .... مافي زرع لوما تشاريني
بعدو القلب بخفقتومشغول .... والدم عميغلي بشراييني
وحيات يالّي كملك هالطول .... وكوّن جمالك تاتقهريني
ماعادفيكي تقتلي المقتول ....ولا عادفيكي تحرمي المشتاق
من غير مابغمرك تغمرني
أميمه- مرتبة الشرف
- العمر : 37
للمبدعين والشعراءهاهنا أطلقت الصفير
وأود أن أقول لكم
تغار السماء من الارض لأنكم على سفوحها تمشون
و تغار الأوراق من الأقلام لروعة ما تكتبون
تحية لكم جميعا
عاصم نصرالدين- العمر : 61
الموقع : دمشق
من يوم ما آدم أخذ حوا.......وذاب بلهيب الحب وتلوا
نزل لألنا بالهوى دستور.......يضرم بنار القلب من جوا
عاش البشر لسنين لأ لدهور......حبن محلل كيف ما تسـوا
الله سمح بكل سفر مســـطور......نتمثل بآدم كما حـــوا
من قال إنوالحب شي محضور......لما بفطرة كل قلب ضـوا
لكن أجونا بكل شرع منشور......يتوعدواالقلوب بالقوة
رب البشر يا ناس مش محصور.....لا بطايفةلا بدين لابفتوا
دخلك ياربي شوف شو مقهور......من اللي بإسمك نزل الفتوات
وقلوبنا بالهيلمة شوّا
ابن البلد- مرتبة الشرف
- العمر : 43
الموقع : دمشق
شعر الزجل مكتوب جدي مش هزل--------وعامغزل جفونك حريرو بينغزل
الله وجمالو بغمزة عيونا اختزل--------شعر الغزل نهدات من فجر الأزل
أنتي مليكة قلب عرشك ماانعزل--------وجودك بصدري ضلع كان وما يزل
وكل ما غمزتي بعينك الحلوةاٍلي--------بتألق وبكتب اٍلك ردة غزل
الله وجمالو بغمزة عيونا اختزل--------شعر الغزل نهدات من فجر الأزل
أنتي مليكة قلب عرشك ماانعزل--------وجودك بصدري ضلع كان وما يزل
وكل ما غمزتي بعينك الحلوةاٍلي--------بتألق وبكتب اٍلك ردة غزل
ماهر الفية- العضو الملكي
- العمر : 42
الموقع : الـجـنـيـنـة نـــت
شعر الزجل خمر بخوابي عتاق ... طعموا على تم البشر ترياق
شعر الزجل خفقة قلب مشتاق ... يغرف مشاعر شاعرو العملاق
تيسير شاعرمرهف وذواق ... وابن البلد عالقافية سبّاق
وبوالزوز مختار المنابر كلها ...وعاصم قمر بليلة العشاق
شعر الزجل خفقة قلب مشتاق ... يغرف مشاعر شاعرو العملاق
تيسير شاعرمرهف وذواق ... وابن البلد عالقافية سبّاق
وبوالزوز مختار المنابر كلها ...وعاصم قمر بليلة العشاق
عتاب- عضو نشيط
شموخ صديقي
ماخابرتك تزجل أخوي
وتفاجأت بما قرأت
والله رائعة جدا جدا
ومن عاشر القوم
ونحنا هنا عنا أروع الشعراء والزجالين
مشكور وتسلم يديك على ماقدمت
تحية من القلب لكل الشعراء الأفاضل على ما يقدمونة من روائع في هذة الصفحة
ماخابرتك تزجل أخوي
وتفاجأت بما قرأت
والله رائعة جدا جدا
ومن عاشر القوم
ونحنا هنا عنا أروع الشعراء والزجالين
مشكور وتسلم يديك على ماقدمت
تحية من القلب لكل الشعراء الأفاضل على ما يقدمونة من روائع في هذة الصفحة
ابن البلد- مرتبة الشرف
- العمر : 43
الموقع : دمشق
من قبل ما تبطّل كواكبنا تدوخ---------وتبرم شعر حول المجرة تاتبوخ
بقطع من شعاع الشفق منديل جوخ--------وبنصب على سطح المجرة هموم كوخ
هذا الزجل كلّو اٍبا ونهضه وشموخ---------بتدور كل الكون جوّات المخوخ
من هيك شفتك يا شموخ المنتدى ----------ابن البلد شكراً اٍلك خيي شموخ
بقطع من شعاع الشفق منديل جوخ--------وبنصب على سطح المجرة هموم كوخ
هذا الزجل كلّو اٍبا ونهضه وشموخ---------بتدور كل الكون جوّات المخوخ
من هيك شفتك يا شموخ المنتدى ----------ابن البلد شكراً اٍلك خيي شموخ
سوسن سين- عضومميز
- الموقع : سوريا
الله ما اروع ما تكتبون يا ملوك الزجل يسلم ابداعكم اما انت صديقي شموخ بغيابنا هذا الابداع تابع كثير حلو ما كتبته تسلم ايدك
تيسير نصرالدين- مشرف عام
- العمر : 67
الموقع : ميلانو
كل ما انثنى فستان وبقدّو انحسر .... بتحني خوابي عيونّا تعبي النظر
ومابين قطبة وزاف وخيوط الكمر ..... بتصير تشبك حالها متل الأًبر
بتمسك طراف الخيط وتكرّو بحذر ...... وتفرفطو من غير ما تخلّي أثر
ولمّا عصبوة بالنا يزيدالحلى ...... يمكن بصير الواجب نغض البصر
ماهر الفية- العضو الملكي
- العمر : 42
الموقع : الـجـنـيـنـة نـــت
الليلة انا والكاس رح نبقى سوا .. تايطّفي قلبي من جنون الهوى
ياكاس وحدك للشقى صرت الدوا .. من وقت ماقلبي ترك اهل الغوى
قلبي على غربةمواعيدواكتوى .. ما عاد غير الكاس بطفيلي الجوى
ما عاد يحمل خافقي هم وشقى .. ولا مرة من ريق اللي حّبو أرتوى
ياكاس وحدك للشقى صرت الدوا .. من وقت ماقلبي ترك اهل الغوى
قلبي على غربةمواعيدواكتوى .. ما عاد غير الكاس بطفيلي الجوى
ما عاد يحمل خافقي هم وشقى .. ولا مرة من ريق اللي حّبو أرتوى
ابن البلد- مرتبة الشرف
- العمر : 43
الموقع : دمشق
====الشعّار قبالي حامو----وسيفي اتحرقص بحزامو
=مابيترك راس على كتاف----غير ما يزتو قدامو
الشعّار بوحي التسبيح-----قبالي صف بيصطفوا
ديك الجن و ما بيصيح-----وزياد مكسر دفو
وعاصم قلعه ما بتزيح-----الأول تيسير بصفو
وشعري اعصارمن الريح-----بينشرحولن ألغامو
=مابيترك راس على كتاف----غير ما يزتو قدامو
الشعّار بوحي التسبيح-----قبالي صف بيصطفوا
ديك الجن و ما بيصيح-----وزياد مكسر دفو
وعاصم قلعه ما بتزيح-----الأول تيسير بصفو
وشعري اعصارمن الريح-----بينشرحولن ألغامو
تيسير نصرالدين- مشرف عام
- العمر : 67
الموقع : ميلانو
الشعّار قبالي حامو......وسيفي اتحرقص بحزامو
مابيترك راس على كتاف.....غير ما يزتو قدامو
ياشاعر يمكن رح غار ..... من أفكارك بالردة
لكن السيف البتّار ..... بحزامو صار مصدي
رح صليلك ليل نهار ..... تتضلك قاعد حدي
طالما كل الشعّار ..... عحفاف المنبر نامو
مابيترك راس على كتاف.....غير ما يزتو قدامو
ياشاعر يمكن رح غار ..... من أفكارك بالردة
لكن السيف البتّار ..... بحزامو صار مصدي
رح صليلك ليل نهار ..... تتضلك قاعد حدي
طالما كل الشعّار ..... عحفاف المنبر نامو
ابن البلد- مرتبة الشرف
- العمر : 43
الموقع : دمشق
اللي نامو عندك ياحيف-------مابيلقوا حدي ردي
لكن لولا بتدخل ضيف-------بقدملك قلبي بيدي
وعم تحكي بليالي الكيف-------عن سيفي اٍنو مصدي
معناتا ما عرفت السيف-------ولا بتعرف استخدامو
لكن لولا بتدخل ضيف-------بقدملك قلبي بيدي
وعم تحكي بليالي الكيف-------عن سيفي اٍنو مصدي
معناتا ما عرفت السيف-------ولا بتعرف استخدامو
تيسير نصرالدين- مشرف عام
- العمر : 67
الموقع : ميلانو
ليل وسيف وبيدا وخيل..... عرفوا مجدي وإقدامي
والزهرة مع نجم سهيل ..... عملتن بكلة لحزامي
ديمونة وزوجا عطيل ...... وليم خطن بقلامي
ولما بيحلم جفن الليل..... منّي بياخذ أحلامو
والزهرة مع نجم سهيل ..... عملتن بكلة لحزامي
ديمونة وزوجا عطيل ...... وليم خطن بقلامي
ولما بيحلم جفن الليل..... منّي بياخذ أحلامو
ابن البلد- مرتبة الشرف
- العمر : 43
الموقع : دمشق
سيفي اتكنّى بذوالفقار-------حملو حيدر بالكوفة
والباشا ع الاٍستعمار--------حملو ومنصور الشوفي
ومااحملت السيف البتار------اٍلاّ تااٍقري ضيوفي
بصون العهد بغيث الجار------وشرعي بطبق أحكامو
والباشا ع الاٍستعمار--------حملو ومنصور الشوفي
ومااحملت السيف البتار------اٍلاّ تااٍقري ضيوفي
بصون العهد بغيث الجار------وشرعي بطبق أحكامو
ابن البلد- مرتبة الشرف
- العمر : 43
الموقع : دمشق
[b]دفقت شعري متل النهر--------الهادر فوق نيا غارا
بطوي الدهر بأقصر شهر-----وبعمل عالزرقا زيارة
بهدر عمري وبدفع مهر-------الكلمة تا اسقي بذارا
بيفتح زر من الزهر--------بينشر عطري بكمامو[/b]
بطوي الدهر بأقصر شهر-----وبعمل عالزرقا زيارة
بهدر عمري وبدفع مهر-------الكلمة تا اسقي بذارا
بيفتح زر من الزهر--------بينشر عطري بكمامو[/b]
تيسير نصرالدين- مشرف عام
- العمر : 67
الموقع : ميلانو
شفنا بيمينك يابيك ... سيف مرصّع للزيني
عمبتقطّع قالب كيك .... وبدل الواحد دزيني
وحتّى ما إتجنّى عليك... وإشهر سيفي وتوزيني
وقّع سيفك من إيديك ...ونفذ حكمي بإعدامو
زينا- عضومميز
- العمر : 48
رائع رائع جميعكم رائعون
تحيتي لكم جميعا
ابن البلد- مرتبة الشرف
- العمر : 43
الموقع : دمشق
يا جايي ببرغي ومفك------انشالله عزمك متل الزير
فك اللبوة بكفي انفك-----وخالع باط السبع كثير
وتا توقع سيفي وتنفك-----اسأل قبلك يا تيسير
عن عنتر سيفي ماانفك-----تا أعلن استسلامو
فك اللبوة بكفي انفك-----وخالع باط السبع كثير
وتا توقع سيفي وتنفك-----اسأل قبلك يا تيسير
عن عنتر سيفي ماانفك-----تا أعلن استسلامو
تيسير نصرالدين- مشرف عام
- العمر : 67
الموقع : ميلانو
الشعّار قبالي نامو...... مابين مغفّي ونعسان
كل واحد لم زلامو ....... وضليت لوحدي سهران
مفك وبرغي مع مع مفتاح.. وشوّاح وعزقة وترك
ترك وعزقة مع شوّاح .... ومفتاح وبرغيي ومفك
عك وفانين وردّاح ..... وسلاح مجهّز للدك
للدك مجهّز السلاح ..... وعك وفانين وردّاح
ورداحين وعك وفان
الفان بثلاثة نقط أعني سيارة الفان
كل واحد لم زلامو ....... وضليت لوحدي سهران
مفك وبرغي مع مع مفتاح.. وشوّاح وعزقة وترك
ترك وعزقة مع شوّاح .... ومفتاح وبرغيي ومفك
عك وفانين وردّاح ..... وسلاح مجهّز للدك
للدك مجهّز السلاح ..... وعك وفانين وردّاح
ورداحين وعك وفان
الفان بثلاثة نقط أعني سيارة الفان
نوال- عضو نشيط
نصوصكم ثرية بالروعة والشفافية المتقنه
لكم عناقيد زهر واكليل ورد تطوقكم بأمتنان واكثر
دمتم مبدعين
لكم عناقيد زهر واكليل ورد تطوقكم بأمتنان واكثر
دمتم مبدعين
ابن البلد- مرتبة الشرف
- العمر : 43
الموقع : دمشق
بغير حال بغمزة عين --------على الميلين بغفي رجال
رجال بغفي على الميلين ------بغمزة عين بغير حال
بركان وسهل وتلين--------- مع بو زين بيبقوا خِيال
خِيال بيبقوا مع بو زين---------بسهل وبركانين وتل
----------وتلين وسهل وبركان
زين هو اٍبني
رجال بغفي على الميلين ------بغمزة عين بغير حال
بركان وسهل وتلين--------- مع بو زين بيبقوا خِيال
خِيال بيبقوا مع بو زين---------بسهل وبركانين وتل
----------وتلين وسهل وبركان
زين هو اٍبني
» دموع
» سمراء
» انا الملوم انا الجاني على وطني / د. لطفي الياسيني
» مات الضمير وشيعوا جثمانه / د. لطفي الياسيني
» قصيدة في وصف فـلـسـطـيـن قبل النكبة / الحاج لطفي الياسيني
» الرحلة
» حول الوضع الثقافي الراهن
» صباح ..................مساء الخير من الجنينة
» كبة البطاطا بالبرغل
» عثمنة الخطاب السني الرسمي
» الصفقة الصفيقة
» الإعلام
» مجموعة جديدة
» ثورة الحرابيق